أشرفيات بقلم الدكتور أشرف يونس

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
للدنيا بابين... باب بندخل منه ، وباب ماعرفش حيودى لفين
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
إلى أرق من فى الوجود ... إلى من تعطى بلا حدود
إلى القلب الذى دقاته ... وتر فى عود
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
قالوا الملايكة فى السما ... أنا شكيت
عشان حبيبي قعدت معاه ... وحكيت
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الناس من كتر الألم ... تصرخ تقول الآه
وانا لو فيه ألم ... فى وجودك بقول محلاه‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
مفيش مانع يابحر أنام فى حضنك ليلة
لو حبيبى يفتكرنى ويعملها بجميلة
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
خايف أقول كلام ماأقدرش أوصف بيه محاسنك
عشان كده إوصف إنتا، وحاسب على الناس من حسنك
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الكلام بيخرج منه عناقيد عناقيد‏
وانا لما يتكلم بقوله من تانى عيد
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
بتخطف العين ، وتخطف القلب من أول طلة
قالوا خايفين عليك ... قلت خليها على الله
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
البحر قال للسمك ... يابختك
حاييجى يوم تلمسك وتقول طبختك
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
جرح الحبيب ولا ميت طبيب يداويه
مش عشان الجرح ... لأ... عشان هو السبب فيه
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الدنيا زى البحر ساعات تكون غدارة
وساعات هادية ولكن برضوا مكارة
إياك تفوت الدنيا وتقول ياخسارة
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
العين بتشكي مسا وصباح‏
والقلب دايماً مليان بالجراح
وعقلى قاللى... عيش أيامك ،وسيبك من اللى راح
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
كتير من الناس أثروا فيا وعلمونى‏
منهم اللى وطونى ، ومنهم اللى علونى‏
ومنهم ضحكونى، ومنهم اللى صحى الدمع فى عيونى‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
هي الدوا والمداوى... هى الشافى والعافى
هى فى الشتا الدافى، وانا لها الوافى
إهداء إلى ..... ذات القلب الصافى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
في غيابك أنا تايه بلا عنوان‏
فى بعدك عنى بحس بالحرمان
غيرتي الدنيا في عينى... ياأجمل خلق الرحمن
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
كتبت كتير لحد ما جف القلم
وقلت كتير إرحمنى من الألم
مين فينا ظلم ومين اللى إنظلم
إسأل روحك... مين اللى أخد القلم
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
شيال الحمول من يومى
ومفيش ليلة بارتاح فى نومى
ومن كتر الهم حاقطع هدومى
ياترى يادنيا كان إيه لزومى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
لو سألوني نفسك في إيه‏
مش حقول أموال وقصور
ولا حقول بنات الحور
حقول يارب زيد حبيبى نور على نور
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
صباح الورد ياللى الورد بيغير منك عليك
صباح الفل ياللى الفل يتمنى يلمس إيديك
صباح الجمال ياللى الجمال يسجد قدام عينيك
صباح القمر ياللى القمر بشوفه بين كفيك
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أنا اللى من يوم ماعرفتك وانا شاعر
أنا اللى من يوم ما شوفتك حركتى المشاعر
أبيع الكون عشان خاطرك وأمشى فى طريق واعر
ده انا بحسد نفسى عليكى ياللى بحبك قلبى شاعر
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
سمعت كتير وقليل والناس قالولى
فيه نجمة نزلت من السما سموها لولى
أنا قلت يانجمة مين نزلك على الأرض قولى
قالت حبيبى قاللى علشان خاطر عيونى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أنا مش بقول كلام وغناوى
أنا اللى من يوم ماعرفتك بالشعر غاوى
حفضل أكتب واوصف واعملك حاوى
يارب جمع البيضا على القمحاوى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
معاكى بنسى الدنيا وما فيها
لقاكى هو الجنة اللى إنتى ليها
فى بعدك النار بنكوى بيها
نفسى أشوفك... ولو أموت بعديها
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الوجه زى القمر زاده الإله نور
العيون بخضار الشجر ولا بنات الحور
نفسى أسكن قلبك ولو أعدى بحور
خايف تلف بينا الأيام وتدور
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
في الاسم ..... والنقب حسنى
فى القلب كبيرة...ده حسنك هوسنى
جميلة جمال... وبعدك فرسنى
صحونى من الحلم... حد يقرصنى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
تمر الأيام والليالى... وانا بعانى من وجع البعاد
تمر الشهور والسنين... وكل شئ فى غيابك جماد
وحياة حبى ليك... قصر المسافات وبلاش عناد
وحياة اللى باقى فى عمرنا... إرجع بقى دنا شوقي زاد
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
في عينيك بحس بالبراءة والحنان‏
فى لمسة إيديك الدفء والأمان
فى همس صوتك الشدو والألحان
نفسى أوصلك ، ولو أشوف العذاب ألوان‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
سبحان من أبدع وصور فى صورة ملاك
سبحان من أعطى ونور فى ضياك
سبحان اللى خلقك وصفاك
ياريت بقيت عمرى أقضيه معاك
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ياللى كنت فى يوم فى قلبى وف ضميرى
ياللى بنيت وعليت وكله من خيرى
دلوقتى راجعة تشكى وعليا بتغيري
راجع ليه تعاتب وانتا ف حضن غيري
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
‏..... أحلى كلمة نطقها لسانى‏
‏..... لحن وغنوة إتعملوا عشانى
‏.....غدر الزمان بينا وكان الجانى
‏.....بعد ده كله لسه عندى أمانى
‏.....أبيع الكون عشانك ...بس ترجعى تانى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أنا المتيم بحبك والمفتون
أنا اللى من غيرك زى المجنون
بخاف عليكى من العيون
بغير عليكى ياام قلب حنون‏
إدعى بقى يجمعنا المأذون
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ضيعت كل اللي كان بيننا من سنين‏
ضيعت كل الحب والحنان والحنين
ضيعت حلمنا فى البنات والبنين
ضيعت كل حاجة وسيبت الأنين
دلوقتى أنا الأشرف... قوللى إنتا تطلع مين‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أسمع صوتك ... الكرب عنى ينزاح
أشوف عيونك... تصيبنى من غير سلاح
ألمس إيديك... أطير من غير جناح
ألمح طيفك... أتوه فى الدنيا سواح
تغيب عنى ... ليل من غير صباح
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
حلمي إني أموت بين إيديكى‏
حلمى آخر حاجة أشوفها عينيكى
حلمي أحلم في يوم من الأيام بيكى‏
نفسى تحضن عينيا عينيكى
نفسى أنسى الدنيا ومافكرش إلا فيكى
حتى حلمى هرب منى عشان بيغير عليكى‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
القلب دقاته ... وتر فى كمان
الشعر خصلاته... دهب ومرجان
الرمش بنظرة منه... بيعلم النسيان
أوصف إيه ولا إيه... ياوردة البستان
عمرى كله قبل منك ... كان حرمان
وبقول يارب إجمعنا كمان وكمان
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أحلف برب النار والجنة
إنك أملى وكل مااتمنى
أحلف برب الملك والملكوت
إنى بدوب وبحبك موت
أحلف برب الكون والعباد
مش حلاقى زيك فى البلاد
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ياريت
ياريت شبابنا يسمع ويفتح عينيه‏
ياريت يفك الأغلال من بين إيديه
ياريت تراب البلد مايهونش فى يوم عليه
خايف ييجى اليوم مايلاقيش حتى الجنيه
قوم هب إنتفض مايهمكش باشا ولا بيه
ولو قدرت تعدى مصرى زيك للأمان عديه
عشان ده المصرى وكلنا بنخاف عليه
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
بنت شقية
قاللى تعالى..قلت أصبر شوية
قاللى ياغالى..قلت إستنى عليا
قاللى بحبك..قلت شوية وجاية
قاللى إنتى اللى عليكى النية وعارفك بنت شقية
قلت له يا بن الجنية
قاللى نجهز شهود..قلت له ميه ميه
قاللى نجيب مأذون..قلت له وقعت في الخية
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
سوء اختيار
كان لينا فى يوم من الأيام دار
غدر الزمان بينا ولف ودار
غاب الحبيب عنى وغابت الأخبار
فاتنى وهجرنى من غير إعتذار
حول حياتى من الجنة للنار
أدوق لوحدى الهجر والمرار
اللوم عليا انا لأنه كان سوء إختيار
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
صاحب صاحبه
أخويا وصاحبي وتاج راسي
وفى الشدة قلمى وكراسى
ساكن فى عقلى وحواسى
هو قنديلى ونبراسى
ومن غدر الصحاب حراسي
مش شرقاوى ولا نشاصى
ده منياوى وملوانى مش قرقاصى
وده شعوري وإحساسي .‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
حـلــــــــــــم
لمحت طيف سابح فى فلك
أبيض بلون الورد سبحان من خلق
فيه من القمر..لأ ده القمر شافه انهلك
وكل من قابله فى طريقه سلك
هو ده كان حلم ولابالفعل حقيقة
أنا فاكر كل كلمة ودقيقة بدقيقة
قاللى انت مين..قلت الأشرف
قال إن كان فى اسمك شرف .أنا كلى رهف
كل اللى شافك قال بنت عز وترف
وكل من قابلك رمش عينه إنطرف
خليتى المايل عن سكته انحرف
كان حلمى تكملى معايا..بس حلمى إنصرف

▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
هى كلمة
هي كلمة ..قولها وريح بيها ضميرك
إنك خنت ، وإن انا هنت ، وسيبنى لغيرك
عيش أيامك. عيش أحلامك. كتر خيرك
على كل كلمة قولتها. على كل لحظة عشتها
أيام ما كنت وقتها عايش أسيرك
روح لغيري.إنسي عبيري.مانا طلعتك من تفكيري
عيش معاه ، دوب في هواه ، وغير سيرك
وادينى إتعلمت. وأهو كله من خيرك
دنا حددت مصيري .. واجه إنتا مصيرك‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
سمعنى سكاتك
دارت الأيام بينا ، وطالت مسافاتك
فرقتنا غربتنا ، وفاتنى العمر وفاتك
عذبتنا ضيعتنا ، وكنت بتسمعنى سكاتك
أنا لسه فاكر خطواتك همساتك لمساتك
كل كلمة كل آهة من آهاتك
كنت بتمنى لحظة رجوعك ونجاتك
بس القدر قال كلمته النهارده يوم وفاتك
يارب بعدد سور القرآن وآياتك
وديني معاه في يوم الحشر جناتك‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
إحساس
إحساس غريب بحسه معاك
إحساس عجيب وانا وياك
بحس إنى طاير فى السما
بحس إنى نغمة فى ملحمة
بحس إن الكون ملك إيدى
بحس إن النهارده عيدك وعيدى
حتى لو مكتوب فراقنا
إستعدى ليوم فرحنا
إن ماكنش فى عالمنا
أكيد فى عالم تانى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
نظرة عين
ملها ش زى وماشوفتش فى جمالها إتنين
مالكة القلب وساكنة العين
سلمت عليها.لمست إيديها.خطفت قلبي بنظرة عين
رقة وريقة،وعليها هيئة وكلها زين
شوفتوا جمالها ،ولا دلالها.طابع الحسن مابين خدين
واللي شافوها.قوام وصفوها
قالوا يا ملاك يا حورية عين‏
حتى كلامها لو مين قدامها يسد الدين
قلت أنا ليها ومستنيها أكمل بيها نص الدين‏
ماهى أمورة ومش مغرورة ،وزيها مين
إدعوا معايا و قولوا آمين
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
بلد العجايب
غريبة يا بلد ليه قاسية على ولادك‏
لما أطلب المدد يضربنى جلادك
عجيب أمر البلد.الشريف فيها إنجلد
وغيره . له ألف سند
صبرنى ياصبر.صعبان عليا الولد
كنت بقول أنا من البلد دى وليا الشرف
لقيت ناس فى ضنك وغيرها فى ترف
أبو وش واحد ينقرف
وابو ألف وش بينظرف
يبقى لا لوم ع الولد لو مال وانحرف
صبرني يا صبر .صعبان عليا الولد
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أحلى الكلام
ما تقولش حاجة.مش كل حاجة يوصفها الكلام
ساعات سكوتك بيبقى عندي أحلى كلام
ماتقولش نادم أهي غلطة عدت والسلام
يلاش نضيع أيامنا في عتاب وملام
ونصحي دايماً على ذكرى مليانة آلام
إرحم عينيك ، وعينيا خليها تنام
وإن كان عليا أنا مسامحة وجاية قوام
علشان نجدد أيامنا ونعيش أحلام
دنا لسه غرقانة في حبك ومانيش عوام‏
ماتيجى نقول إن الغلطة كات نقص علام‏
وادينا أتعلمنا حتى اسأل الأيام‏
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
جنس تانى
بعد الحب اللى كان
وبعد اللى كان بينا زمان
وبعد ماإديته الأمان
وسلمته قلبى كمان
ورانى العذاب ألوان
فاتنى وهجرنى وضيع العنوان
هنت عليه وكل اللى بينا هان
ياما إشتريته بس باعنى وخان
غير حياتى من فرح لأشجان
خلى الدنيا كلها أحزان
أكيد ده جنس تانى مش إنسان
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
إنسى بقى ياوديع
الحب كان بيننا صافي وبديع
قلبت ليه المواجع فتحت في المواضيع
قسيت عليا .غدرت بيا، وقولت ابيع‏
جنيت عليا. فرطت فيا ، وفي الجميع
إتحملت منك كتير، وغضبك كان سريع‏
بتعمل عمايل مايقعش فيها رضيع
ياما شوفت منك وكنت أسامح من غير ما ذيع
وأقول غصب عنه، وبين الناس بشيع‏
إنك ضحية زمن مبيوصلش فيه إلا الوضيع
متفتكرش إنى من غيرك حضيع
ولا بعدك مش حيهل ربيع
إنسي بقي يا وديـــــــــــــــــــــــــــــــــــــــع
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
اخت القمر
إن كان على الجمال هى اخت القمر
وإن كان على الدلال ماشفتش فى البشر
هى القسمة والنصيب هى القدر
هى زادى فى السفر
هى الدنيا هى حلمى المنتظر
سايبة عندى وعند الناس أثر
و يوم ماشوفتها الحزن جوايا إنكسر
بشوف الدنيا بعنيها ماهى هى البصر
كل الكلام الحلو فيها إنحصر
ده البدر لما هل منها إنبهر
ولما بتهل نور زاد وانتشر
إكشف ياطبيب ودقق فى النظر
وحاسب على قلبى .دنا قلبي فى خطر
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
بكل لغات العالم
بكل لغات العالم مش بس بالعربية
بكل حروف الكلام ولا كلمة منسية
بقول بحبك ويشهد ربى عليا
رسمت فى خيالى صورتك ياغالى بريشة وردية
من ورد جنة خدودك قبل ماتشوفك عينيا
إتخيلتك ملاك طلع الملاك فيه منك شوية
ولا هواك منا بهواك قد الدنيا ديه
كل اللى فات من عمرى كان صفحة مطوية
ومعاك ياعمرى الصفحة مبقتش عادية
فيها حب ووفا وكمان دفا وحسن نية
فيها الصفا مفيهاش جفا ولا أسية
حياتى معاك بقت لحن فى أغنية
وصحيت من الحلم على صوتها هى..إتحققت الأمنية
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
صفحة فى حياتى
علمت فيا علامات كتير أنا مش ناسيها
وعملت فيا حاجات كتير كنت مداريها
أتاريك بطبعك غدار كبير وانتا ناويها‏
كنت حياتى.كنت آمالى.كنت عينيا اللى بشوف بيها
كنت النسمة كنت البسمة.كانت الدمعة معاك بخفيها
ياما قالوا عنك كلام.وانا كل كلمة عليك بانفيها‏
ضيعت أحلام عمرنا ،ونفسك جنيت عليها
دلوقتى راحت دمعتى ،وزرعتك روح إجنيها
النار بتزيد فى قلبى ،وانا قادرة إننا أطفيها
ماتفتكرش إن دمعى حينزل ع الأرض يرويها
ده جرح عدى وانتهى ،ونفسى منك حداويها
دى صفحة عدت من حياتى أنا حطويها
ربنا يعوض عليا ،وعنك ربنا يغنيها
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
وحشتنى
وحشتني.. بكل لغات العالم وحشتنى‏
أثرت فيا لما هجرت وسيبتنى
زرعت فيا حاجات كتير غيرتني
وجنيت عليا لما هنت وفوتنى
ولما بعدت وسيبتنى. دمرتني‏
يا ترى بعد اللي فات واللي كان كرهتني‏
ولا فاكر إني خنت وبعتني
ياريتنى عرفتك من زمان وعرفتني
غدرت بيا يا زمن وأنا اللى فاكرك بتعزنى
إعمل حسابك يا زمن مش حتهدنى‏
إعمل حساب للي إنجرح ولا شاف فرح مش حتذلنى
إعمل حساب للي إنطرح واللي انقسم و من غير قسم مش حيهمنى ‏ماهو بعد الفراق مفيش حاجة تهزنى‏
منا تلميذك يا زمن وانتا اللي علمتني
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ريم
مش لاقى كلام أقوله والله العظيم‏
بقولها من قلبي والرب عليم‏
محروسة من العين قادر ياكريم
هادية ونادية وقلب رحيم
وفى وقت الشدة أوفى نديم
صافية ووافية وعقل حكيم
الله على فكرك إنتا مش فكر قديم
إنتى منحة من السما إنتى نعيم
ليكى هلة وطلة بتخلينى أهيم
هو ده بالفعل حقيقة ولا دريم
مفيش غيرك واحدة ما انتى عندى بتيم
أبص في عينيكى أقول غناوى ولا كاظم وحليم‏
ده بعدك عنى جرحه أليم‏
محفوظة من المولى وتعيشى ليا ياريم
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ليه يادنيا
أنا كرهت الدنيا كلها....بعد اللى شوفته منها
نفسى أنسى اسمها....وابعد خلاص انا عنها
الخيانة طبع فيها....والغدر من آساميها
عمالة تخدع فينا....وكتير بتلعب بينا
ماهى قاسية مكارة....وكمان نسيتنا أسامينا
من قسوتها حتى....إحنا كمان قسينا
ياترى مين عالبر يعدينا....ويرسينا على مينا
ولا فى البحر يرمينا....ويغرقنا ويطوينا
مفيش مرة ضحكتنا....ولو ضحكنا تبكينا
طول عمرى باختشى وأبداً ماارتشى
ولا مرة روحت شرم ولا حتى مارينا
وكمان كنت وفى،وانتى بتعرفى،وبرضوا مانصفتينا
يادنيا عيب إختشى....طلعتى العبر فينا
لو حاندوق المر....إبقى صبرينا
ولو عندك اللى يٍِِسُر....يادنيا ماتنسينا
دنيا دوارة بس ياخسارة....مش عايزة ترضى علينا
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


‏▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
حمد لله على السلامة
‏‏لاعتاب ولا ملامة‏
‏واهى رجعت الابتسامة‏
‏ياللى معايا علمتى علامة
‏فى غيابك الدنيا نسيانا‏
‏وفى بعدك الجرح بقى ياما‏
‏ياترى يادنيا معندانا ولا موعدانا
‏لسه الأمل باقى ولا القطر عدانا‏
‏ياأغلى مافى الكون وعند الناس وعندى آنا‏
‏تعالى ننسى اللى فات ينسانا‏
‏تعالى نحلم بيوم لقانا‏
‏ده سهم الهوى صابنا ورمانا‏
بقولها من قلبى وبكل أمانة‏
إنتى أجمل إنسانة
‏وربنا المعبود وحشانا
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ابن الدايرة
ابن الدايرة كسب الدايرة
وخلاص بقى من الطبقة العالية
بعد ماكان على همه يبات
بقى دلوقتى من البهوات
واهو هيعيش عيشة بن ذوات
طول عمره متصنف تحت
دلوقتى فوق على راس الدايرة
وحتتجوز بنته البايرة
يانايب ماتسيبش الناس حايرة
وتقضيها كلام ومسايرة
فى لحظة تلقى الناس ثايرة
ماهى دنيا دوارة وسايرة
ساعات بتدى.ولما تدى .تدى بن الدايرة
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الدنيا اتغيرت
الدنيا إتغيرت من يوم ميلادك
والخلق إتحيرت طالبين ودادك
ياللى بلاد الدنيا بلادك
طمنى عليك إزيك وازى فؤادك
أنا بادعى ربنا تنول مرادك
يبعد حسادك ويزيد أعيادك
بحب فيك كل مافيك حتى عنادك
وان غبت عنى بقول طال بعادك
دنا من زمان مستنى ميعادك
سبحان من خلقك وأجادك
ده المولى من فضله عليك زادك
نور وإيمان وتقوى هى عمادك
أنا حامد شاكر فضله إنى من روادك
قيدوا الشموع قيدوا النهارده عيد ميلادك

▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
تايه بلا عنوان
عشت عمري تايه وحيد حيران
عدي عمري و كبرت قبل أوان
مش عارف فين سكتى تايه بلا عنوان
أشكى لمين غربتي لا صحاب و لا خلان
من كتر همى ووحدتى كتبت علي الجدران
دنيا غدارة بس يا خسارة بتقسي علي الغلبان
دوقتنى المر بزيادة أما الشهد بالفنجان
حتى العسل بطعم المر و كاس عذاب مليان
يا دنيا هنيني و مرة طوعيني دنا إنسان
محتاج لنظرة رضا محتاج كمان لحنان
وليه معندانى و لسه سيبانى في صفحة النسيان
ياتري دة نصيبي و قسمتى يغدر بيا الزمان
و لا ضريبة غربتي الحزن و الحرمان
يارب هون وحدتى صبرنى يا رحمن
لو راضي عليا زدنى كمان و كمان
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
نشرة الأخبار
في نشرة الأخبار سمعت عنك أخبار
بيقولوا إنك سكن قلت السكن والدار
بيقولوا ملاك مش بشر والكل فيكى إحتار
فيه اللى راح للأطبا واللى موصوف له العطار
ظلموك ووصفوك بالقمر هو القمر يطلع بالنهار
عليكى خطوة تهد جبال على خطوتك الجبل إنهار
وكل اللى شافوكى وكمان سمعوكى قالوا يانهار
واما تهلى ولا تطلى تلقى الكل فى انتظار
ولا عيونك ربى يصونك كلها أسرار
كل عاشق وله قمر بس إنتى كل الأقمار
كلمة بقولها من قلبى وفيها اختصار
مش بس السكن والدار إنتى كل الدوار
إنتى الشمس إنتى الضى إنتى الأنوار
وان غبتى عن عيونى أدوق بدل المر مرار
مابقاش قدامى اختيار إما الجنة وإما النار
سألت فين أراضيكى قالوا عمار يامصر عمار
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
حكاية شجن
حكاية فيها شجن فيها ألم ودموع
غيام ظلام ومطفية الشموع
الحزن كاسى كل الربوع
ودمع زى الحجر بس البكا ممنوع
من كل وادى إتجمعت الجموع
فقدنا الغالى وراح من غير رجوع
كان الوفا كان الدفا كان ينبوع
كان ونيسى كان جليسى كل ده من أسبوع
كان دنيتى كان سكتى وحقى المشروع
دلوقتى أصبح مركبى من غير قلوع
وسهام بتجرح فى قلبى وفى الضلوع
بقيت زى شجر من غير غصن ولافروع
ندهت عليه بصوت مسموع
ماتسيبنيش انا وحدى فى آلام موجوع
سمعت صوت من مكان عالى ومرفوع
كل واحد له حساب لازم يكون مدفوع
يارب صبرنا على فراقه ويكون عندك مشفوع
هى دى الحكاية وهو ده الموضوع
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أحلى الصبايا
اليوم ده عيد وازاى يبقى عيد وانتى مش معايا
ماانتى عيدى وبقولك عودى ياأحلى الصبايا
حسيت فى بعدك بآلام كتير ومحتاج العناية
كشف الطبيب وقال مجروح القلب ومحتاج رعاية
وقالوا الناس ده اتجن وموصوف له السرايا
أنا كنت خيال وراسمالى ويايا
حب ووفا وكمان صفا من بدرى جوايا
أصبحت ميال وقلبى مال لزينة الصبايا
ماانتى الشمس وانتى الضل إنتى أرضى وسمايا
بعد منك خلاص حاضل وصبحى بقى زى مسايا
إفتكرى أيامنا الحلوة ولا انتى بقيتى نساية
وحياة الحب اللى جمعنا كفاية بعد كفاية
تعالى ننسى اللى وجعنا ونبتدى الحكاية
حكاية حب ولها معنى ده الهوى هوايا
أبصم بالعشرة انا سلمت وكمان رفعت الراية
واحلف بحياتك لو خنت تبقى هى دى النهاية
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
حب إيه
حب إيه ياعم ما كفاية حرقة دم
قلنا نحب وحبينا شيلونا الهم
هما يومين عشناهم و الباقي غم فى غم
سوقت عليه ناس ياما لا خال نفع ولا عم
الخيانة طبع فيه وكنت بدارى والِم
كداب غدار وأنانى وخدعنى بأدبه الجم
أتاريه بيشخص دور ورسمه عليا فى فيلم
عيشنى فى دنيا جميلة أتاريه كان حلم فى حلم
كان دنيتى كان فرحتى بس فرحى ماتم
كنت أطبطب وأدادى ومفيش مرة إهتم
بعد ده كله يقول عديها أنا قلت إتلم
منك لله هشكيك للعادل اللى مايرضاش بالظلم
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الناس مقامات
الناس مقامات ومقامك سيكا وبياتى
عالى ومظبوط عند آلاتى
وصوتك نغمات محتاج عواد ويا ناياتى
وقوام مياس تتغنى الناس بيه ليلاتى
وبقول كلمات واهديكى كمان سلاماتى
إنتى الوتر والعود ليكى منى تحياتى
إنتى الدوا والمداوى للى زى حالاتى
إنتى شمسى إنتى ضلى فيكى كل احتياجاتى
بعد منك إيه فاضللى غير آناتى
ماانتى الماضى إنتى الحاضر والآتى
ومعاكى إتغيرت وغيرتى كتير فى صفاتى
ليكى طلعة بهية بتأثر فيا وفى ذاتى
واما تهلى ولا تطلى بتروح منى آهاتى
دنا نفسى أقولك صباحى وبياتى
البعد عنك نار وفى قربك إنتى نجاتى
تبعدى عنى تبقى حكمتى بوفاتى
قربك منى هو كل حياتى
أنا بادعى المولى فى كل صلاتى
يبعد حسادك ويزيد أعيادك ودى أمنياتى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
إمسكى نفسك يامصر
.ياما دقت على الراس طبول وختمت بنصر
ده كل بيت صغير فيكى قصر
مفيش عادى يقدر يعادى إلا ونهايته العصر
أنا بادعى فى صلاتى ضهر وعصر‏
يحفظك المولى وتعيشى يامصر
ناسك كتير طيبين مسلم مسيحى من غير حصر
وإسألوا جرجس وعم نصر
حسن ومرقص دول أخين
القلب واحد والرب واحد للإتنين
مدنة وكنيسة جرس وأدان
الوطن للكل والدين للديان
وهلال بيعانق صليب من بحرى لأسوان
فى مصر العم مسلم والخال مسيحى‏
والعدرا مريم ساكنة فى ريحى‏
عشانك أضحى وافديكى بروحى
ماانتى اللى دايماً تلملمى جروحى
مين دول اللى عايزينك تنوحى
مين دول اللى خايفين تبوحى
دول مش مننا وعايزينك تروحى
حالفين ولادك من أسوانى لمطروحى
نصون ديارك ومعاكى منين ماتروحى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲





▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
بقى هى دى الأصول
يغضب ويعند كده على طول
ويشمت كل غريم وعزول
بعد ماقالى كلام معسول
خلا دموعى نازلة سيول
بقى هى دى الأصول
أطبطب وادادى عشان حبه أنول
يهجر ويبعد ومانولش القبول
خد عقلى منى خلانى مذهول
يوم فى الطالع ويوم فى نزول
بقى هى دى الأصول
من يومى شيال الحمول
وشوفت معاه كل الفصول
جربت بدل الحل حلول
زرعت فيه المحبة والقسوة هى المحصول
بقى هى دى الأصول
بعت له ميت مرسال ورسول
عشان كل اللى بيننا يزول
سابهم واتكلم فى المحمول
وقطع الود الموصول
بقى هى دى الأصول
ده بيعمل بدل الفصل فصول
يبقى ده معقول
واحن إليه واعاتب فيه يعمل مشغول
أتاريه غدار يلعب بالنار خلانى أقول
بقى هى دى الأصول
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
يوم ميلادك
إكتب وسطر ياقلم
إكتب وسجل فى الكراس
إكتب وقولها لكل الناس
اليوم ميلاد أجمل إحساس
خمرى فى لونه توهنى من غير كاس
أنا واهب عيونى ليكى حراس
كلمة بقولها من قلبى وفيها حماس
بكل لغات العالم مش بس بالعربية
بكل حروف الكلام ولا كلمة منسية
من يوم ميلادك والدنيا وردية
لابسة توب الفرح نادية مندية
اسمك ووصفك فيه رهف أما الطلعة فبهية
بريئة رقيقة فيكى صفا وحسن نية
جميلة جمال وعلم وأصل وتربية
حتى كلامك بيأثر فيا
قيدوا الشموع قيدوا النهارده يوم عيده
سنة حلوة ياجميل ويارب بالفرح زيده
عقبال 100 سنة وانتى فى فرح وهنا
عقبال مانهنى بفرحة وانتى لابسة الطرحة
هابى بيرذداى ياام العيون الجارحة
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ثورة نور
عدالة كرامة إنسانية
قالها الشعب عايزين حرية
ليه بتحطموا فينا الوطنية
هو عشان طلعة جوية تحكم وتتحكم فيا
ولاعشان سكوتى تستهون بيا
كتمت صوتى وقل قوتى وجيت عليا
مين يقدر على مصرى ومصرية
إبعد يانظام راح نبقى تمام مش عايزة كلام
إبعد يانظام كفاية آلام وشد حزام
إبعد يانظام تعبنا خلاص كفاية حرام
تلاتين سنة ذل ومهانة ماسمعناش غير الإهانة
تلاتين سنة وانت فى هنا واحنا فى ضنا
تلاتين سنة وانت مش حاسس بنا
وساعات تضربنا ببعضنا.إنت أكيد مش مننا
دلوقتى آن الأوان وان كنت إنس أو لابسك جان
الشعب فى حالة غليان،وقام بثورة شعبية
ثورة ضد الظلم اللى عليه وعليا
ثورة نور قلنا نثور وبقينا نسور
الشعب مقهور وانت بدل القصر قصور
لك يوم ياظالم مش ممكن تكون منصور
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ولاد مصر
فرحان انا بالولاد
البيض والسمر الشداد
بشوف فى عنيهم عناد
أحمد ومرقص وعماد
وكمان سعاد ويا جهاد
بقوا لينا نور ورشاد
نوروا الدنيا بعد السواد
وقالوا مفيش فرقة ولابعاد
حددوا ساعة وميعاد
وقاموا بثورة عالفساد
بعد الظلم ماساد
وبعد الهم مازاد
صرخوا فى وش الجلاد
إحنا رجالة ورواد
سطروا بإيديهم ميلاد
مصر الأبية أم البلاد
سجلوا بإيديهم أمجاد
خلونا فى عين الغير أسياد
ربنا ينصركم ياولاد
خليتوا أيامنا كلها أعياد
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أجمل نساء الكون
أنتى عندى أجمل نساء الكون
أعذبهم.أصفاهم.أنقاهم..ماأروعك
أنتى لى هوائى مائى ودوائى
وطن أحتمى به من دائى..ماأبدعك
أنتى لى دنيا أتوق إليها شوقاً
ورد بلا شوك ملئان عطراً..ماأطيبك
أنتى نبضى وترى ومنكى صفائى
عينى قلبى صوتى وغنائى..ماأطربك
أنتى نعمة من الله أنتى آلائى
شمساً.قمراً.نجوماً تتلألأ فى سمائى..ماأعظمك
أنتى عندى كضوء الصبح يصحو ليلقانى
فلن أنساكى ياعمرى فحبك أنتى أحيانى
فعذراً ياملاكى إن توهت منكى.ففى عينيكى عنوانى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أنا مين ؟
أنا مين وانتى مين
أنا علمت فيا السنين
أنا اللى اشتكى منى الأنين
أنا اللى عشت عمرى حزين
أنا اللى انظلم وماشفش حنين
أنا اللى مكتوب شقايا عالجبين
عرفتى دلوقتى أنا اطلع مين
أنا كتاب مفتوح للناس
أنا قلب فيه طيبة وإخلاص
أنا نهر حب مليان إحساس
أنا صافى ووافى وكلى حماس
أنا للضعيف فارس أما الجبان ينداس
أنا الأشرف اسم ووصف وعالى الراس
عرفتى دلوقتى أنا اطلع مين
زى السما والأرض أنا وانتى
إنتى الجنة اللى على الأرض..إنتى
إنتى الدفا فى البرد..إنتى
إنتى النسمة فى عز الشرد..إنتى
إنتى الدنيا طول وعرض..إنتى
أجمل وردة فى بستان ورد..إنتى
عرفتى دلوقتى أنا مين وانتى مين
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
هى
قالوا مين اللى هونت العذاب
قلت اللى القمر يعمل لها حساب
هى اللى تتفتح لها الأبواب
هى اللى رجعت الشيبة شباب
هى الجار والدار واعز اصحاب
هى اللى رمش عيونها سهم وصاب
هى اللى علمت الحب للأحباب
هى اللى معاها الهوى غلاب
هى اللى خلت للدنيا طعم و خلاب
هى الجمال زى ماقال الكتاب
هى اللى عشانها أتحمل صعاب
هى فوق فى السما زى السحاب
فى حاجة كده ولاده وهم وسراب
واللى يقول غير كده كداب
خلص الكلام وده فصل الخطاب
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
العشق الممنوع
أنا بعشقك بس ده العشق الممنوع
ماأروعك ياللى ضحكتى الدموع
الوجه نادى والطبع هادى وكلام مسموع
والقلب طيب ولايتعيب كله خشوع
أما العيون ربى يصون دى بقى موضوع
لما تشوفها ولاكسوفها ساعة الطلوع
حتى كلامها ولاسلامها يشفى القلب الموجوع
إنتى نجمة من السما من أصل عالى ومرفوع
إنتى نغمة فى ملحمة فيكى أدب وخضوع
أنا بعشق فيكى كل مافيكى من غير رجوع
أما أنا..وحدى أنا..مركبى من غير قلوع
أنا اللى انطفى شمعى ونزل دمعى فى الربوع
يبقى أنا فين وانتى فين وده حقى المشروع
عرفتى ليه أنا بعشقك بس ده العشق الممنوع
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أمى
أعز الناس أجمل إحساس إنتى ياأمى
طيبة وإخلاص وعالية الراس روحى ودمى
حمالة أسية ومشيلك همى
ساعة الفجر بلاقيكى تصحى وتهمى
طول عمرى شايفك تدعى وتسمى
وان ضاقت الدنيا فى عيونى بيا تهتمى
إنتى اللى بتجمعى وساعة الصلاة تؤمى
لولاكى ماتعلمت وبقيت انا أمى
بحس بالدفا وقت ماتضمى
ولسه بتدادى وورايا بتلمى
الجنة تحت أقدامك إتعطرى وشمى
الله أكبر ياريتك ياأمنية تتمى
ويحفظك المولى وتعيشى ياأمى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
صدقينى
صدقينى مش بالدموع حترجعينى
صدقينى إنتى الوحيدة اللى جرحتينى
حبل الوداد انقطع بينك وبينى
إنتى فاكرة بكلمة منك تنسينى..لأإنسينى
أنا كنت فاكرك ملاك لكن خدعتينى
أتارى قربك هلاك وبالمر سقيتينى
حاولت كتير معاكى مفيش مرة طوعتينى
غلبت اصالح وانا المظلوم ياريتك سمعتينى
كنت برئ ورقيق وياكى لكن ظلمتينى
صدقتى كل الكلام ومن غير ملام هجرتينى..طب اسألينى
دلوقتى راجعة تشكى وبالدموع تبكى..كان على عينى
نسيت اللى فات وبقى ذكريات..أصلك وجعتينى
أنا نادم على اللى فات من أيامى وسنينى
غيرتينى وخرجتى خلاص من قلبى وعينى
زرعتى الحزن فى قلبى والقسوة علمتينى
أحلف بربى ودينى..حبيتك ولاحبتينى
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الجرح الكبير
أنا انجرحت جرح كبير
بعد قرارك الأخير
ضيعتى الحلم الكبير
وحددتى كمان المصير
فيها إيه لو كنتى بتسألى
وانا عليا التفسير
فيها إيه لو كنتى تعديها
وتخلى مركبنا تسير
كان بيننا حب وعشره
وقوام طلبتى التحرير
دلوقتى هانت عشرتى
وهجرتى ومن غير تفكير
كلها أوهام فى خيالك
والحجة آل إيه بنغير
لو قلتى ده خان وحبنا هان
تبقى أخطأتى التعبير
تعالى ننسى اللى وجعنا
ونعمر وبلاش تدمير
ونقول للحزن ابعد عنا
وانا وانتى نقوم بالتغيير
تعالى نحقق أحلامنا
مابقاش فى العمر كتير
وحياة الحب اللى جمعنا
كلمة بقولها ولها معنى
كتر الخصام مش فى الصالح والصلح خير
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الكلام على مين
سألونى الناس الكلام على مين
قلت اللى مالكة القلب وساكنة العين
اللى اتحملت غدر الزمن وتعب السنين
هى اللى هونت العذاب وضحكت الحزين
زرعت فى قلبى الفرح بعد الأنين
هى الحب والحنان والحنين
مهما تمر السنين صبية فى العشرين
فيها الصفا والوفا وحافظة الدين
بريئة رقيقة والعقل رزين
رقة ورايقة وكلها زين
وكل من شافها صلى على الزين
القلب أبيض والورد عالخدين
نقشت صورتك فى قلبى واحلف بألف يمين
الود ودى أعيش عمرين
أسعد فؤادك وابعد اللايمين
قوليلى مين زيك ياحلوة الحلوين
لفيت بلاد وبلاد مالقيتش منها اتنين
عرفتوا دلوقتى انا اقصد مين
لو قولتوا القمر أقول قمرين
لو قولتوا شمس .نجوم أقول الاتنين
لو قولتوا ملاك أقول حورية عين
دلونى ياعشاق وادفع كمان مهرين
مين فى الجمال قده وفين طريقه فين
محفوظة من المولى ومحروسة من العين
إدعوا معايا و قولوا آمين
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲




▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
حكم الزمن
حكم علينا الزمن
نعيش ومش عايشين
نموت لكن صاحيين
نضحك والدموع فى العين
نشكى ومفيش سامعين
نصدق ناس كدابين
مانقولش الآه واحنا مجروحين
البسمة عالشفايف والقلب حزين
كان حلم فى خيالى ينطق لسانى يقول الحق
يصرخ فى وش الظلم بكلمة لأ
دلوقتى آن الأوان
إكتب وسطر يازمان
الظلم مبقاش له مكان
وقفنا فى وش السجان
واللى كان عامل سلطان
واللى كان مسؤل وخان
ده كل شئ إنكشف وبان
وقامت ثورة عالطغيان
ثورة ضد الظلم والعدوان
والظالم بقى خلف القضبان
ولسه حساب الرحمن
من النهارده مفيش أحزان
مفيش أشجان مفيش حرمان
من النهارده ..أنا إنسان
إكتب وسطر يازمان
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲








▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
دموع الورد
الورد بيبكى ويتألم
ودموع الورد بتتكلم
تشكى وتصرخ فى الجانى
بصوت عالى وحيانى
صحيت دموعى وأحزانى
زادت همومى وأشجانى
وهبتك عمرى وكيانى
سلمتك قلبى ووجدانى
جنيت عليا ونسيت حنانى
غدرت بيا وكنت أنانى
فرطت فيا كده فى ثوانى
طفيت شموعى نزلت دموعى تانى
تعبت معاه وبناره كوانى
خدعنى باعنى وجعنى وبكانى
حتى كلامه ولاسلامه طلعوا أغانى
أشكى منه ولا اشكى زمانى
كنت فاكرة إنه عايش عشانى
كنت حاسة إن عمرى معاه مش فانى
بعد ده كله راجع تانى..لأ إنسانى
وحياة دموعى حقيد شموعى تانى
وآخد بتارى ، واطفى نارى لما تعانى
أنا كنت معاك ملاك وغدرك خلانى
أكون هلاك عاللى باعنى ورمانى
دلوقتى بتترجانى ده المولى منك نجانى
بس استنانى

▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
أنا مش أنا
أنا مش عاجبنى
أنا واحد تانى ومش عايز يسيبنى
الناس بتبنى وانا بتهد ياابنى
الكل له صاحب والهم مصاحبنى
ودنيا بٍتعلى فى ناس ومعايا تتعبنى
طب ليه يادنيا سهمك يصيبنى
وليه بيلومونى وانا إيه يعيبنى
ياللى شايف فيا حاجة تعالى وراجعنى
ولااشكينى للمولى و هو يحاسبنى
أنا مش لاقينى..أنا مش أنا
يادنيا انصفينى فى العمر ولو سنة
ومرة طوعينى عشان خاطر ربنا
فى الفرح تنسينى وفكرانى فى الضنا
هو مفيش قدامك غيرى انا
وليه معندانى وحرمانى من الهنا
يمكن معهدانى تحققى كل المنى
ولا مواعدانى بفرحة بعد الفنا
ولاغدارة والعيب مش فيا انا
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
هو جرى إيه
هو جرى إيه
الناس جرالها إيه
كانوا بيقولوا شعبنا طيب
طلع طيب مع أعاديه
مر ونار على أهله وفى أراضيه
غلبت معاه مفيش حاجة بترضيه
هو جرى إيه
كنتى يامصر غنية بولادك
كانوا زادك وكمان زوادك
كانوا الحمى للوطن وعمادك
دلوقتى اتسابقوا على عنادك
وكمان شمتوا حسادك
هو جرى إيه
يامصرى هَدّ ى شوية هَدّ ى
ليه ناس تهد وواحد بيبنى
فكر تعمر بلاش تدمر يابنى
حاسب حتتحاسب من ابنك وابنى
ليه تتسلح بالظلم ومعايا تتعبنى
هوجرى إيه
كان فيكى يامصر أمان
كنتى الدفا مفيش فيكى هوان
مفيش فى أرضك مصرى اتهان
دلوقتى المصرى على اخوه هان
نفسى أقول للزمان ارجع يازمان
هو جرى إيه
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
دنيا كدابة وقلابة
مبقاش فى الدنيا حاجة تلزمنى
الهم مصاحبنى والحزن ملازمنى
من كتر غدرك يادنيا الجرح أذمنى
ليلى نهارى هموم الدنيا تعزمنى
أنا المجروح منين مابروح غدرك محزمنى
يارب هون جراحى وعزمنى
ولاشوف فى يوم الهم يهزمنى
دنيا غدارة مابقتش تلزمنى
يادنيا خفى حمولك عليا
شوية عليكى وشوية عليا
خللى الفرحة تبان فى عينيا
ليه مع ناس مرضية ومعايا مؤذية
وناس لها ورد والشوك بقى ليا
وناس تلعب بيها وانا تلعب بيا
وليه ابيض واسود مش بمبى ووردية
وكمان معندانى ومع غيرى بهية
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲


▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
الناى الحزين
سألت الناياتى مال نايك حزين
رد الناياتى بصوت كله أنين
أصل الدموع فى القلب مش فى العين
أنا اللى دوقت المر سنين
أنا اللى انظلم وماشفش حنين
أنا اللى مكتوب شقايا عالجبين
أنا المجروح من ناس خاينين
ده ساعات مش عارف انا ابقى مين
قابلت كتير وشوفت كتيرغدارين
يبقى معايا الحق أبقى حزين
إعزف ياناى وسمع السامعين
حسسنى معاك اننا عايشين
هو عشان اعيش أبقى بوشين
وعشان أقرب أبوس الإيدين
ولو مفيش يبقى السلف والدين
أحلف بكتاب الله والدين
فى ناس بتكبر باللعب عالحبلين
وناس تنام ودموعها عالخدين
دنيا دوارة ليه قاسية عالحلوين
صدق اللى قال زمن ملاعين
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲



▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
دعينى أحبك
تحياتى تحياتى أملى وحلم حياتى
دعينى أحبك فى ذاتى
فكل شئ ماضى وأنتى الآتى
عرفتك إزددت جمالاً فى روحى وسماتى
دعينى أتوق إليكى شوقاً
أكاد أموت فى بحرك غرقاً
تلاطفنى أمواجكى وتبث عيناكى سحراً
دعينى أهيم فيكى سراً
فما زال لسانى ليس حراً
فلا تلومينى حبيبتى على صمتى
فلا يستطيع لسانى أن ينطق..مكتوم صوتى
فلن أستطيع الجهر بحبك
ويكفينى منكى أنى أحبك
دعينى أو لاتدعينى. فحبك أنت يحيينى
أنصتى لى .لاأريد أن تكلمينى
فأنا لست بطامع أن تحاكينى
فيكفينى فخراً أنكى تسمعينى
ويكفينى بين الحين والحين تتذكرينى

▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲