محتاجه رايكم

السلام عليكم ورحمه الله وبركاته
اولا مبروك لكل النجاحين وكل سنه وانتم طيبين وربنا يوفقكم في حياتكم كلها
انا النهارده عملت موضوع جديد وقبل مايكون موضوع هو اقتراح لينا كلنا انا باخد رايكم ان اللي ربنا كرمهم ونجحو طبعا كلنا بنرمي كشاكيل المحاضرات طيب ايه رايكم قبل مانرميها ننزل المحاضرات اللي فيها علي الموقع يعني اللي في فرقه اولي ينزل المحاضرات لزمايله القادمين واللي في فرقه تانيه وطالع تالته يفيد بتوع اولي وهكذا وكده ناخد ثواب في حد محتاج المحاضرات دي ويبقي عندنا وقت ومهله اننا نرفع كل حاجه بدل مانيجي يوم الامتحان كل واحدساعتها بيفكر في نفسه وبس ومحدش بيبقي قادر يساعد حد ومفيش وقت يزاكر ساعتها اللي ناقصه حاجه هيجبها من هنا ونخدم زمايلنا ونعمل خير وده مجرد اقتراح وعايزه اعرف رايكم فيه

فكره جميله والله

فكره جميله جدااااااااااااااا
MOHAMED ROCK

ebrahim_sadek كتب:

اولا
منورانا

ثانيا
والله انا شايف ان هيه فكره جامده جدا وفيها خير للناس كلها وهتسهل حجات كتير علي المستجدين في المعهد انا عندي ورق محاضرات بأزن الله ارفعه بلأسكنر بس ال انا خايف منه ان فيه ناس ممكن تستعمل الكلام دا في مكاسبه الشخصيه يعني يطبع الورق وبيبعه للناس زي طبعا مكتبتنا الجميله السندباد ال 90% من الورق بتاعها مش في المنهج اصلا انا مش عايز يجي يوم واشوف مجهودي بيتباع بفلوس


وشكرا يا سندريلا علي الموضوع الجميل دا

يعني انتو شايفين انها فكره وحشه انا كان كل قصدي نساعد بعضنا واللي عنده حاجه يقدمها
ثانيا انا شايفه انه بالموضوع ده هنقدر نلبي احتياجات الطلاب وخصوصا اننا في وقت فراغ يعني مفيش معهد ولاسكاشن ولاحضور ولازم كلنا نساعد بعضنا عشان الموقع ضعيف جدا وايد لوحدها متسقفش محتاج مجهود كبير اوي عشان يوفر احتياجات الطلبه
ثالثا انت كده هترحم ناس كتير من استغلال المكاتب والمنهج الغلط انت بتديهم كل المنهج وفي نفس الوقت بتديهم فرصه يزاكرو بدل ملزمه ليله الامتحان دي وكمان بتعمل شهره للموقع وكلنا نفيد بعض وانا في سنه تالته وطالعه رابعه ان شاء الله اما بخصوص فرقه تانيه انا ليه زميتلي بتجيب امتياز كل سنه ممكن اخد منها الورق وارفعهولكم ده خير وانا مبتاخرش في عمل الخير

ههههههههههههههههههههههههههههههههههههههههههههههههههههههههههههه
شكلك ياسماك عمرك ماحضرت قبل كده المنهج واحد هو هو اما احنا ازاي بنجيب ورق الامتحانات السنين اللي فاتت ونحلها وبتيجي في الامتحانات وخصوصا النظري لانه بيقي لنفس الدكتور اما العملي بيقي ميت دكتور وكل واحد بيقول شرح باسلوبه غير التاني خالص

اناعندي كل المحاضرات بتاعت كل المواد بتاعت تسويق وان شاء الله هرفع ماده ماده

طيب احطها فين وانز المحاضرات كلها في موضوع واحد ولا كل محاضره لوحدها ولا ايه قولي اعمل ايه طيب واديني بسلي صيامي وباخد ثواب

ايوه يا سمكمك سندريلا بتتكلم صح لسه برضه مش عايز تحضر دا انت راجل مدير ربنا يوفقك يا سندريلا انا عمرى ما اشتريت مذكره وكنت تسويق وهى شعبه جميله

وبعدين عيب في حقه ياشمس الناس هتقول عليه ايه ده رايح 4 ومش عارف ان كان المحاضرات هي هي ولا لا وربنا يوفقك انتي كمان ياشمس وعقبال مااخلص وابقي فاضيه زيك احسن الواحد تعب اوي في المعهد ده

هههههههه سندريلا انا فاضيه اسكتى مش اتجوزت بعد 6 شهور من التخرج وسمكمك دا استنى عليا هفضل وراه لحد ما اخليه يحضر راجل مدير ومش بيحضر محاضرات :tslamy: بصى بجد ياريت تفضلى كدا معانا على طول وكمان هستناكى دلوقتى فى علبه الدردشه

لاانا هكتب كل محاضره عندي علي الجهاز وبعدين اجمع كل ماده بكل محاضرتها عشان الناس متهش دول بتديهم اسئله الامتحانات ومبيعرفوش يحلو متخليش حد يتلكك ويسقطلنا

تمام مفيش مشكله