قضيه خالد محمد سعيد

شاب مصري في ال28 من عمره
شاب عادي وبسيط زيه زي اغلب المصريين .. شاب في حاله ومش بتاع سياسه ولا هو معارض ولا حتى حزب وطني ،،
شاب ماشي جنب الحيط بالأصح

في يوم خالد كان نازل سايبر النت اللي قصاد بيتهم في منطقة سيدي جابر – محافظة الاسكندريه

ويادوبك دخل السايبر ودخل وراه اتنين مخبرين كتفوه من ورا ونزلوا ضرب فيه وتخبيط في دماغه ..

راح صاحب السايبر افتكرهم جايين يقبضوا عليه لأي سبب فخرجهم من السايبر ،،

راحوا ساحبين خالد لمدخل العماره اللي قصاد السايبر ولأكتر من 20 دقيقه نزلوا ضرب فيه بالشلاليت والأقلام لغاية لما اغمى عليه ..

وبعدين واحد فيهم مسك دماغ خالد ونزل رزع فيها في سلام العماره الرخام والدرابزين لغاية لما اتهشمت

وراحوا شايلين خالد – زي الدبيحه – ولا حول ولا قوة الا بالله وراحوا رموه في البوكس وطلعوا بيه على قسم الشرطه وسط ذهول ورعب من المواطنين اللي شافوا الجريمه البشعه دي وماقدروش ينجدوه حتى ..

وبعد ما يقرب من 8 لـ 10 دقايق رجع البوكس ورموا جثة خالد في مدخل العماره ..

جات عربية اسعاف ماحدش يعرف مين اللي جابها وأمُر المسعفين بكتابة تقرير ان خالد مات مختنقا نتيجه ابتلاعه للفافتين حشيش وقفوا في قصبته الهوائيه ..


بقى هو الحشيش و البانجو يكسر الوش السنان و يعمل فى الانسان كده
اكيد الكل شاف الصوره و اللى مش شافها انصحه انه ميشفهاش
لانه منظر مرعب جدا جدا و انا اترعبت منه


وجاء رجالات مباحث قسم شرطة سيدي بشر الى المنطقه ليس من أجل التحقيق وانما من اجل ممارسة كل انواع الضغط والارهاب على شهود الواقعه وأهل المنطقه لثنيهم عن الشهاده على الواقعه ..

لينك فيديو شهادة صاحب السايبر في الاعتداء على خالد ..

[ندعوك للتسجيل في المنتدى أو التعريف بنفسك لمعاينة هذا الرابط]


لينكات الواقعه في الصحف والمواقع الاخباريه ..


[ندعوك للتسجيل في المنتدى أو التعريف بنفسك لمعاينة هذا الرابط]



" مقال للدكتور أيمن نور أول من كشف الواقعه "

[ندعوك للتسجيل في المنتدى أو التعريف بنفسك لمعاينة هذا الرابط]

وظل الاعتقاد السائد لفتره ليست بالقصيره أن سبب ماحدث لخالد انه اعترض على تفتيشه بشكل مهين
حتى بدأت تتكشف الحقيقه ..

في حوار بين د / أيمن نور ووالدة القتيل اخبرته انها تعتقد ان سبب مقتل ابنها
انه حصل على فيديو يوضع ويثبت على رجال مباحث قسم شرطة سيدي جابر تجارة المخدرات ..
وانها تشك في كونهم قاموا بقتله لاخفاء هذا الدليل الذي كان ينوي به فضحهم وفضح انشطتهم المشبوهه ..




الدكتور الطبيب علي قاسم عم خالد سعيد يتحدث عن الجريمة





يقول الله تعالى : " .وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء ".

حسبى الله ونعم الوكيل منهم لله

:تســامـ: يا صادق يا جامد
MOHAMED ROCK

اللهم اني استغفرك واتوب اليك

حادثه بشعه

بس الواد ده متوصي عليه من الاخر

لانه ميروحش يتمسك كده من الاخر

وبعدين دول 2 مخبريين لاراحو ولا جوهم

المفروض يتعدموا في ميدان عام
حتي ولوكان بيشرب بانجو
مش من حقهم يعملو فيه كده

حسبي الله ونعم الوكيل

اللي ليه دهر ميضربش علي بطنه

هي دي بلدنا

ربنا يرحمه ويسكنه فسيح جنانه
ياريت الناس تتعظ ده ربنا بيقول افعل ماتريد فكما تدين تدان
حاجه توجع القلب فعلا ربنا يصبر اهله
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

هو دا حال البلد اليومين وانا بسمع اكتر من كدا كمان بس ما باليد حيله :?: ربنا يرحمه ويدخله فسيح جناته

:تحياتى لكم: :؟:

راما/ سمكاوي/روك/زيزو /سندريلا/شمس النهار