كلام بنسمعه كل يوم

كلام بنسمعه كل يوم

سنفونية موسيقى متكرره يوميا صاحبت العزف المنفرد

* اوعى خيالك المريض يهيألك انك ممكن تاخد منى فلوس تانى.

* انتا مالك من ساعة ما دخلت البيت و انتا فرحان انتا جاي من انهي غرزة.

* ذاكر ياموكوس مش فالح غير فى الهيافه والكلام الفاضى.

* خلصي أكلك وناميلك شويه عشان تقومي تزكريلك كلمتين.

* ذاكر ساعتين بتركيز كأنك ذكرت اليوم كلو (الغريب اما تقعد تذاكر ساعتين يقولو و هي دي مذاكره).

* مذاكرة ايه دي اللى على السرير.

* يا ابني تعالي اقعد معانا ولا انت مأجر اوضه جوه البيت ......

* ابقي نشف الحمام بعد ما تخرج منه.

* يا خويا ياريتك حافظ الدروس اللى عندك زى ما انت حافظ الاغانى كده .

* اعملى حسابك اول م الدراسه تيجى الرسيفر هيتشال هو والتليفزيون.

* قبل الفجر: ارجع بات في المكان اللي انت جاي منه.

* لو كانت اللي علي التليفون طنط سلوي قوليلها ماما نايمة .

* امشى جاتك مشش فى ركبك .

* جتها نيلة الى عايزة خلف تيجى تشوف .

* متحطيش الموبايل جنبك و انت نايمه هيجبلك تخلف عقلي .

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجيلك تخلف عقلي منه .

* كل يوم هات هات لمة ربيتلى الهتهات (بابا طبعا) مع انى مش عارف اية الهتهات ده بس ماشية مع الجملة ^ ^

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا بابا).

* أوعا حد يضحك عليك ويقولك جرب السيجارة دي.

* ابقى ورينى مين حينفعك فى الاخر من شوية الصيع الى انت ماشيلى معاهم .

* وطي المدعوق ده شويه .

* مش ملاحقه علي التليفون ولا الموبايل عملالي فيها الست المهمه.

* برة البيت بتضحك وجوة البيت لاوى بوزك ............ اما اشوف صحابك الصيع حينفعوك في ايه.

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى الساعه10 .

* انت مبتكلش جزر ليه .. اجيبلك برتقانه. طب كل سلطه .

* قومي ساعدي امك ده اللي هيتجوزك أمه داعية عليه.

* يا ابني حرام عليك الى بتعمله فينا ده.

* لمى هدومك انتى مش عايشة فى زريبة بكرة اشوف بيتك هيبقى عامل ازاي.

* ابقي قابليني لو فلحتي ...بس دايما مش بيقولوا نقابلهم فينّ!!! غريبه .

* كفايه رغي في التليفونات .

* اطفي التلفزيون وقوم ذاكر ولا خش اوضتك .

* بلاش تمشى حافى البس شبشب وانته داخل الحمام .

* فلوسك بتروح فين يا هبله انتي بتصرفي عالشلة ؟

* مع ان الواحد كل سنة بينجح و رغم كدة يقولولك ابقى قابلني لو نجحت .. كل سنة الكلام دة .

* ماتتأخرش علشان عندك كلية بكرة بدرى.

* انا عارفة ازاى ألمك .

* انا : يوووووووو يا ماما بقى؟؟؟
ماما:مووو لمـا يــــــخدك .

* ادلعى ياهبة فى ايامك المهببه .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جابهلكم .

* الى يطلع من الاوضه يطفى النور وراه .

* أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلصش .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم

* طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جنب الحيط .

* احمد ربنا الاكل الى مش عجبك ده فى ناس مش لاقينه .

* والله لو منضفتي المطبخ ومسحتيه ما فيش نزول النهرده .

* قومي سخني الأكل لأخوكي.

* ابوكم كان دايما بيطلع الاول على الفصل... " لما كلهم كده امال مين الى بيطلع الاخير .

( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر كده ؟؟

****

ومع ذلك هنفضل نسمعه ..

مفيش فايده

:30:
:study:

هههههههههههههههههههههههه
فعلا يا سماك
كلام عارفينة
بس مبنغيرش مش عارف لية

محمود كتب:هههههههههههههههههههههههه
فعلا يا سماك
كلام عارفينة
بس مبنغيرش مش عارف لية

اه والله يا حوده

:study:

:yuyu:

:lol:

هههههههههه فعلا اكتر الكلام بتقال فى اليوم 100مره والواحد بيسمع ومش بيرد ربنا يسترها

:تسلم: ا سماك

eman كتب:هههههههههه فعلا اكتر الكلام بتقال فى اليوم 100مره والواحد بيسمع ومش بيرد ربنا يسترها

ههههههههه فعلا والله :3agyb:

eman كتب: :تسلم: ا سماك

* ابقي نشف الحمام بعد ما تخرج منه.

ههههههههههههههههه ده كلام منطقى وحقيقــــــى كلام بنسمعه كل يوم 546844

تســــــــــــــــــــــلم كلام بنسمعه كل يوم 519317

ابقي قابليني لو فلحتي ...بس دايما مش بيقولوا نقابلهم فينّ!!! غريبة
ههههههههههههههههههههههههههههههههههههههههههههههههههههههههههة
هتقابلها على الكورنيش
ههههههههههههههههههههههههههههههههههههههههههههههههههههههههههههههههة
تسلم ياسمكاوى موضوعك رائع كتير تسلم
وعلى فكرة الكلام دة عمرة ميتشال من دماغهم بل هيقلفو علية
مشكور ياسمكمك
كلام بنسمعه كل يوم 421336

weysa essam كتب:* ابقي نشف الحمام بعد ما تخرج منه.

ههههههههههههههههه ده كلام منطقى وحقيقــــــى

تســــــــــــــــــــــلم

هههههه انتى بيتقلك الكلام ده بردو :study:

:lol:

ايه ياقبطان الحصريات والكلام الجامد ده .

تسلم الايادي.

دائما الي الامام.

كلام بيتكتب وبيتقال كل يوم ومع ذلك بيتكتب ويبقي ققل تقدير علي مجهودك

عيشت فخرا للمنتدي ياقبطان

EL GENERAL كتب:ايه ياقبطان الحصريات والكلام الجامد ده .

تسلم الايادي.

دائما الي الامام.

كلام بيتكتب وبيتقال كل يوم ومع ذلك بيتكتب ويبقي ققل تقدير علي مجهودك

عيشت فخرا للمنتدي ياقبطان

ربنا يكرمك يا جنرال اخجلتم تواضعنا

:؟: